Last posts on job an irien

NEDELEG (Job an Irien)

2013-12-22T21:00:00+01:00

Gouel ar sklêrijenn a zo bet graet adarre war an ton bras e Lyon d’an eizh a viz Kerzu, da lidañ gouel ar Werc’hez Vari. Ur sklêrijenn er mizioù du eo muioc’h c’hoazh gouel Nedeleg, peogwir e vod, tro-dro d’ur c’hraouig, bugale ha tud vras, tud a bep oad hag a bep liv. “Gouel Priñs ar Peoc’h eo.” a lavare Christian de Chergé, priol manati Tibhirine d’an Emir deuet gant e baotred ar strouezh, o armoù ganto, betek e diabarzh ar manati, un ti a beoc’h ma oa unan !
Ar bugel a zeu er bed da Nedeleg n’en deus nemet e zaouarn noazh hag e galon da ginnig. Ne red ket war-lerc’h ar galloud, ha ne savo arme ebet.
E ziskibien a vezo tud paour eveltañ, tud ha n’o deus ket peadra da blastroniñ. Ganet eo en ur familh a netra, en ur c’horn kollet eus ur vro a netra, e vouezh hag e gomzoù a yelo koulskoude betek pevar c’horn ar bed, hag a dregern hirio c’hoazh e buhezioù roet. Un dra bennak misterius a zo e buhez an den-se, un dra hag a ro esperañs d’ar paourañ, ha levenez dreist d’an trubuilhoù, zoken pa gouezh anken warnomp. Kit da gompren !
Ar pezh a lavare a rae. Deuet e oa evit reiñ ar vuhez, ha da gentañ reiñ e vuhez dezhañ. E gomzoù a roe buhez. C’hoant en doa reiñ o chañs d’ar re n’o doa ket bet a chañs, hag abalamour da se e kendalc’h da vezañ steredenn evit kalz tud. Ar re a glask bevañ hervezañ n’int ket – marteze – gwelloc’h eget ar re all, met un elfenn eus e garantez a labour enno d’o gervel da vezañ d’o zro eienenn a vuhez.
Da bep gouel Nedeleg e teu ur sklêrijenn en noz da lakaat an deñvalijenn da bellaat. Gwelet e vez e daoulagad ar vugale. Salv e rafe e hent e kalon pep den da lakaat muioc’h a dommder er bed, ha da deuziñ ar skorn a vir ouzhomp da vezañ bev !

Source : Ya !

KANAÑ (Job an Irien)

2013-11-18T00:00:00+01:00

Pennad embanned 'barzh YA!

Luskellet eo bet va bugaleaj gant kan va mamm. N’eo ket e vefe bet hep fin oc’h ober war va zro, met klevet a raen he c’han koulz lavaret a-hed an deiz, o vezañ ma ne ehane ket da vouskanañ pe zoken da ganañ a vouezh uhel en ur ober he labour. ’Vel e kalz tiegezhioù, war ar maez, e chome ar vaouez alies er gêr da ober war-dro al loened hag an ti. Pa veze va mamm oc’h ober gwelien d’ar moc’h hag o reiñ boued dezho, e kane. Pa gase laezh d’al leueoù bihan, e kane, ha pa skube an ti e kane c’hoazh. Kantikoù a veze ganti peurliesañ, hag a-wechoù ivez kanaouennoù. Hervez hec’h imor e tibabe anezho : lod a luskelle he foanioù, ha kalz a sikoure anezhi da vevañ seder hag e peoc’h. He c’han a zo bet evidon ur seurt luskellerez dizehan, a lakae ar vuhez da vezañ sioul ha kaer.

Kroget eo en-dro ar pleustradegoù el lazoù-kanañ, hag ur blijadur eo gwelet an niver a zo anezho er vro. N’ouzon ket petra ’glask ar re a gemer perzh enno, met ar pezh a ouezan mat eo e ra vad dezho, rak padout a reont. Laouen int oc’h en em gavout asambles, ha dre ar c’han e teuont a-benn da dañva muzikou n’anavezent ket, met ivez d’en em santout unanet gant tud ha broioù disheñvel. Pa ganont e brezhoneg, ez eus un dra bennak eus spered ar vro a ’n em sil enno pa lavar ar c’homzoù dezho un tamm eus o mister. Rak ar c’han a ziskleir an diabarzh, pa n’eo ket ur c’han diwar-c’horre. Pa vezer bet fromet gant ur c’han, e teu alies en-dro, hag e ro c’hoant da vouskanañ. Pellaat a ra ar c’han ar soñjoù du, ha lakaat ar vuhez da vezañ skañvoc’h. Salv e c’hellfe an holl kanañ da reiñ liv kaeroc’h d’ar vuhez !

KALA-GOAÑV

2013-11-13T07:00:00+01:00

Pennad tennet eus Ya !

Pa dosta Kala-Goañv e teu bep bloaz war va spered a bep seurt soñjoù, soñjoù miz Du peogwir eo miz an Anaon. Bep tro en em lavaran : ul liamm a chom etrezomp hag etre ar re zo aet en hor raog. Un dra bennak eus ar pezh hon eus bevet ganto a chom da c’hoiñ ennomp, hag a c’hortoz e amzer evit reiñ frouezh. Lavaret a reomp : “Aet int d’ar bed all” hep gouzout re petra eo ar bed-se. Ar gristenien a oar un tamm dre ar feiz o deus resevet, met peurliesañ hirio eo kentoc’h un doare da zisklêriañ ne ouezer ket.
Bez’ ez omp un tamm ’vel beajourien chomet war ar c’hae en ti-gar : gwelet hon eus hor mignoned o vont kuit, hag emaomp aze hon-unan hep gellout lavaret petra int deuet da vezañ. Santout a reomp koulskoude ez eus chomet ul liamm don etre int ha ni, dreist-holl m’hon eus karet anezho, hag hon eus c’hoant lavaret n’eo ket marv o c’harantez, daoust ma ne welomp ket anezho ken. N’ouzomp ket perak, met gouzout a reomp memestra ne c’hell ket ar garantez mervel, nemet dont a rafemp da nac’h anezhi.
Gwriet omp evel-se gant liammoù a c’heller gwelet, a c’heller santout hag a vag hor buhez pemdeziek, ha gant liammoù all bet gwiadet ennomp abaoe pell hag a chom bev en tu all d’ar marv. N’omp ket evit miret da santout ar re-mañ a-wechoù en hon donded, daoust ma ne c’hellfemp ket lavaret perak. N’eo ket un afer a eñvor, met un afer a vuhez. Ar re o deus bevet un dra bennak evel-se a zo test n’eo ket un hunvre. Bed an den a zo kalz brasoc’h ha kalz ledanoc’h eget ar pezh a soñj deomp. Miz an Anaon evidon a zo miz ar re vev, ha Kala-Goañv ur gouel da startaat hol liammoù.

LANGUE BRETONNE ET FOI CATHOLIQUE : émission disponible

2012-11-02T00:00:00+01:00

Comme nous vous l'avons signalé ici, l'émission Bec'h De'i consacrée au sujet LANGUE BRETONNE ET FOI CATHOLIQUE, TOUJOURS FRERE ET SOEUR EN BRETAGNE, est disponible sur le site www.Brezhoweb.com. Nous vous la mettons ci-dessous, mais vous invitons fortement à soutenir Brezhoweb en vous rendant sur leur site et en en parlant autour de vous.

Quel public pour les messes ou le catéchisme en breton aujourd'hui ? Comment vivre sa foi en breton ?

Avec de nombreux témoins et autour de Job an Irien, prêtre bretonnant depuis 50 ans, Bec'h De'i propose de faire le point sur la place de la langue bretonne dans l'Eglise Catholique en Bretagne aujourd'hui et sur la mise en valeur du patrimoine breton dans la liturgie. Découvrez l'émission ci-dessous et débattons-en ici, si vous le voulez.

27/10/2012 : 50ed bloavez belegiaj Tad Job an Irien

2012-10-27T11:00:00+02:00

75ed deiz-ha-bloaz & 50ed bloavez belegiaj Tad Job An Irien

75e anniversaire & 50 ans de prêtrise du Père Job An Irien

(cliquez sur l'image pour agrandir)

A noter : conférence à 15h sur le thème "Y aura-t-il encore des bretonnants chrétiens demain ! "

Muioc'h a keloù war http://www.minihi-levenez.com/

Job an Irien invité de BREZHOWEB le 26 octobre à 20h30

2012-10-24T12:25:00+02:00

Job an Irien, prêtre bretonnant qui fête samedi ses 50 ans de sacerdoce à Minihi Levenez, sera invité de l'émission Bec'h De'i pour parler FOI ET LANGUE. Le sujet "Ar Feiz hag ar yezh, breur ha c'hoar e Breizh bepred ?" (La foi et la langue, toujours frère et soeur en Bretagne ?). La question mérite d'être posée, alors que nombre de personnes ne se rendent pas compte de l'importance de l'inculturation pour l'annonce de l'Evangile. En cette année de la Foi, cette question est essentielle. Ne manquez donc pas l'émission en direct sur BREZHOWEB, la WEBTV bretonne.

Si vous ne connaissez pas ce site, sachez que vous pouvez y trouver des reportages, dessins animés... pour vous habituer et habituer vos enfants à entendre et à apprendre le breton, tout en s'informant ou en se détendant. Evidemment, vous pouvez retrouver le lien direct vers ce site dans la rubrique "SITES UTILES" ci-contre à droite.